एक लिटर पेट्रोल पनि घूस लिन्छ प्रहरी

२१ चैत, रौतहट । भ्रष्टाचारमा शून्य शहनशीलता भन्ने प्रहरीको नीतिविपरित रौतहटको एक प्रहरी चौकीका प्रमुखले अनधिकृत लाभ लिएका छन् । सुन्दै अचम्म र अपत्यारिलो लाग्ने घटनामा रौतहटस्थित बिर्ता प्रहरी चौकीका प्रहरी सहायक निरीक्षक भुवनेश्वर पाण्डेले एक लिटर पेट्रोलबापत एक सय ५० रुपैयाँ घूस लिएका छन् । चन्द्रनिगाहपुरबाट गरुडा जाँदै गरेको ना २ च ७८४६ नम्बरको म्याजिक भ्यानको ठक्करबाट वीरेन्द्र राजमार्गको बिर्ता चौकमा भुस्याहा कुकुर मरेपछि बिर्ता चौकीका प्रमुख प्रहरी सहयक निरीक्षक पाण्डेले गाडी नियन्त्रणमा लिएर चालक विजेन्द्र कुँवरवाट एक लिटर पेट्रोलबापत एक सय ५० रुपैयाँ जबरजस्ती घूस लिएका छन् ।आजको नेपाल समाचार पत्र दैनिकमा समाचार छ । प्रहरी सहायक निरीक्षक पाण्डेले घूस लिनकै लागि उक्त गाडीलाई गरुडाबाट आफ्नो नियन्त्रणमा लिएका हुन् । भ्यानको ठक्करबाट मृत्यु भएको कुकुरको विषयमा सम्बन्धित धनीको अनुपस्थिति हुँदा सयमेत प्रहरी सहयाक निरीक्षक पाण्डेले रकम नलिई भ्यान छाड्न नमानेपछि घूस दिनु परेको वताए ।