मेलम्चीबाट भोताङतर्फ जाँदै गरेको जीप दुर्घटना हुँदा पाँज जनाको ज्यान गएको छ । बा ८ च , ७३८९ नम्बरको जीप थाङपालधाप गाविसको वडा नं. १ स्थित थलेडाँडामा दुर्घटनामा परेको हो ।
मृतकमा भोताङ गाविसका अन्दाजी ५० वर्षिय खामसाङ तामाङ र सोही गाविसकी अन्दाजी ३२ वर्षियाा सिरीमाया तामाङ छन् । मृतकमा ४ जना महिला र १ जना पुरुष छन् । अन्य मृतकको सनाखत हुन भने बाँकी छ । आज बिहान ११ः४५ तिर थलेडाँडाबाट अन्दाजी ४०० मिटर जति तल खस्दा जिप दुर्घटना भएको हो । जीपमा ८ जना सवार रहेको , दुई जना गम्भिर घाइते भएको र १ जनाले भने भने हाम फालेर ज्यान जोगाउन सफल रहेको प्रहरी सहायक निरीक्षक घनश्याम श्रेष्ठले जानकारी दिनुभयो ।
Sunday, April 6, 2014
Saturday, April 5, 2014
चेल्सी इङलिस प्रिमियर लिग फुटबलको शिर्ष स्थानमा
काठमाडौं । चेल्सी इङलिस प्रिमियर लिग फुटबलको शिर्ष स्थानमा उक्लिएको छ । शनिबार राती भएको खेलमा स्टोक सिटीलाई ३–० ले पराजित गर्दै चेल्सी पुनः शिर्ष स्थानमा फर्किएको हो ।
युरोपियन फुटबलमा लगातारको हार रोक्ने क्रममा चेल्सीका लागि मोहमद सलाह, फ्राङ्क लाम्पार्ड र विलियनले एक–एक गोल गरे ।
इङलिस प्रिमियर लिगमा क्रिष्टल प्यालेस र च्याम्पियनन्स लिगमा पेरिस सेन्ट जर्मेनसंग लगातार पराजय बेहोरेको चेल्सीले च्याम्पियन्स लिगको दोस्रो लेगमा मंगलबार आफ्नै मैदान स्टामफोर्डब्रिजमा प्रतिस्पर्धा गर्दै छ । जसमा उसलाई कम्तिमा पनि ३–० अन्तरको जित आवश्यक छ ।
शनिबार राती नै भएको अर्को खेलमा साउथह्याम्टनलाई ४–१ ले हराउदै म्यान्चेस्टर सिटीले चेल्सी र लिभरपुलमाथिको दबाब बढाएका छ र उसको हातमा अझै २ खेल बाँकी छन् ।
सिटीको जितमा याया टोरे, समिर नासरी, एडिन जेको र जोभेटिकले एक–एक गोल गरे भने साउथह्याम्टनका लागि लाम्बेर्टले पेनाल्टीमार्फत एक गोल फर्काएका थिए ।
अन्य खेलहरुमा म्यान्चेस्टर युनाईटेडले न्युकासललाई ४–० ले हरायो भने क्रिष्टल प्यालेसले कार्डिफलाई ३–०, फुलहमले एस्टर्नभिल्लालाई २–१ ले तथा, हल सिटीले स्वान्सीलाई र वेष्टब्रंोमले नर्विचलाई समान १–० ले पराजित गरेका छन् ।
शनिबाररातीको खेलसंगै ३३ खेलबाट ७२ अंक जोड्दै चेल्सी शिर्ष स्थानमा उक्लिएको छ भने ३२ खेलबाट ७१ अंक रहेको लिभरपुल दोस्रो तथा ३१ खेलबाट ७० अंकको म्यान्चेस्टर सिटी तेस्रो स्थानमा रहेका छन् ।
Thursday, April 3, 2014
एक लिटर पेट्रोल पनि घूस लिन्छ प्रहरी
दुबईमा भ्यान दुर्घटना हुँदा एक नेपालीको मृत्यु
दुबईमा भ्यान दुर्घटना हुँदा एक नेपालीको मृत्यु
चैत २० - दुबईमा नेपाली चढेको भ्यान
दुर्घटना हुँदा एक नेपालीको ज्यान गएको छ ।
दुर्घटनामा दोलखा लाकुरीडाँडाका कृष्णबहादुर
खत्रीको ज्यान गएको हो ।
दुई
वर्षदेखी दुबईको केएफसी कम्पनीमा कार्यरत
खत्रीको शुक्रबार ज्यान गएको हो । नियमित
ड्युटी सकेर बासस्थान फर्कने
क्रममा खत्री चढेको भ्यान ट्रेलरमा ठोक्किएर
दुर्घटना भएको थियो ।
दुर्घटनामा खत्रीसँगै
रहेका पाकिस्तानी नागरिकको पनि ज्यान गएको छ ।
मृतकका आफन्तले पाउने बिमा बापतको सम्पूर्ण रकम
कम्पनीले चाँडै नेपाली राजदूतावासमार्फत
आफन्तलाई दिने
सहमति खत्रीका काका जीतबहादुर
खत्रीले जानकारी दिनुभयो ।
नवराज बस्नेत/युएई ।
उज्यालो नाईन्टी नेटवर्क
कोरियामा एक नेपालीको मृत्यु
सोल, चैत्र २० - कोरियामा एक नेपालीको मृत्यु भएको छ । राजधानी सोलबाट ३३ किमी टाढा पर्ने योङगीन शहर नजिकै कार्यरत पोखरा १५ का चन्द्रबहादुर कुँवरको मृत्यु भएको हो । ४० बर्षीय कुँवर बेगबोङ नामक बंगुर र्फममा कार्यरत थिए । त्यहाँ अरु एकजना नेपाली कार्यरत छन् ।
योङगीन प्रहरीले सोलस्थित नेपाली दूताबासलाई लेखेको पत्रमा मंगलबार राति ८.५० बजे उनी आफ्नै कोठामा मृत अवस्थामा भेटिएको उल्लेख गरिएको छ ।
पोस्टमार्टमका लागि अस्पतालमा शव पठाईको पनि पत्रमा जनाइएको छ । ईपीएसमार्फत ९ महिनाअघि आएका कुँवर अत्यधिक मादक पदार्थ सेवन गर्ने गरेको र्फम कार्यरत कामदारले बताए ।
उनको मृत्युबारे दूताबासले परराष्ट्र मन्त्रालयलाई जानकारी गराएको छ । मृतकको श्रीमती र छोरा छोरी छन् । घटनाको बिस्तृत जानकारी लिन श्रम सहचारी अनिलकुमार गुरुङ बिहीबार त्यहाँ जाने भएका छन्
